KARYA PEDUDUSAN ALIT NGENTEG LINGGIH LAN METATAH JERO KAJAKAUH KEDISAN

KARYA AGUNG DESA PAKRAMAN KEDISAN

KARYA  PEDUDUSAN AGUNG, SABA DESA, SABA NINI,  PURA DESA,

PUSEH LAN MASCETI DESA PAKRAMAN KEDISAN, DESA KEDISAN, KECAMATAN TEGALLALANG, KABUPATEN GIANYAR

RAHINA SOMA PON SINTA , 6 OKTOBER 2014

“ Om Swastyastu “

A. YASA KERTI SEJERONING PARILAKSANA :

1.    Seyaga nyanggra antuk kesucian mapikayun, mabebaos, lan meparilaksana sane becik tan dados makta manah iri hati, weci,dursila, miwah sane lianan tan dados mabaos sane ten patut, ujar ale, , kroda miwah sane lianan. Tan dados melaksana sane tan manut , lepas ring sasana lan swadarma. 

2.    Yan ida dane para krama desa jagi tangkil ke Pura pacang ngaturang bakti muah ngayah  mangda matirta pamarisudha dumun sedurung ngayah tur presida mulat sarira, setata nyanggra kesutreptian lamakane karya druwene nenten cendala olih parilaksana sane nenten becik. 

3.    Satata ngutamayang  kebersihan pura , mangda keasrian purane tetep kepiare becik.Yening pacang ngaturang punia inggihin jinah miwah piranti upakara mangda  masadok riin ring  Parjuru , aturan dana punia ida dane para krama desa banget nyidekaryang pemargin yadnya duwen 

B. YASA KERTI SEJERONING  UPAKARA

Upakara Ngawitin Nyuci

Buda Wage Menail 13 Agustus 2014 Dauh 09.00 Wita.

Rikalaning ngawitin nyuci sowang – sowang krama desa ngaturang Pejati piuning ring sowang – sowang Kemulan saha pedek tangkil ke pura makte genah tirta pmarisudha .

Tirta inucap kasiratang ring  Sanggah Pemrajan , ring pekarangan rauhing kulawarga sami.

- Ring rahina punika taler , para krama desa sane kantun madue sawa durung keplebon/ keaben nunas tirta pengandeg saha ngaturang upakara :

a.   Ring Pura Dalem lan Prajapati ngaturang ajuman putih kuning lan canang sari , mapinunas mangda ida Bhatara Dalem lan Prajapati sueca mapaice pemarisudha.

 b.   Ring genah sawa ( duur gegumuke ) ngaturang tipat pesor  , nasi angkeb, pangkonan putih kuning asagi, siratin antuk tirta pengandeg nunas manda sang pitara nenten ngugul pemargin karyane sane kelaksanayang krama desa.

c.     Ngawit saking nyuci ngantos maajar – ajar nenten ngelaksanayang upacara pengabenan miwah ngeseng sawa utawi makingsan ring geni.

d.      Yening wenten sinalih tunggil krama desa kelampusan / kelayusekaran mangda digelis kependem , tata cara nyiramin sawa lan upacarania memargi kadi patut tur pemargine mendem kelaksanayang sore sesiliban , nenten nyuaraang kulkul , nganutin dresta sane sampun memargi, utawi manut putusan Desa ( kuluwarga marep sane maduwe kelampusan cuntaka 7 dina , kuluwarga penyanding sane nyarengin pemargine mendem lan bebanjaran sane nyarengin pemargine mendem cuntaka 1 dina . Yening sampun tugtug sengker cuntakane telas ( mesapu - sapu ) , kangkat ngaturang ayah malih nyanggra karya duwene.

e. Yening nenten dados kependem sangkaning dresta makadi Pemangku , Sulinggih kangkat nyekeh , tata cara nyekeh sawa manut dresta, sakewanten yening walaka nenten ngantos munggah tumpang salu, selami nyekeh kuluwarga nyane cuntaka. Risampun puput upacara maajar – ajar , wawu kangkat ngemargiang upacara pengabenan/pelebon.

f. Yening wenten sinalih tunggil krama desa ngembasang rare, sane lanang cuntaka ngantos kepus puser, sane istri ngantos abulan pitung dina ( 42 dina ).

g. Yening wenten sinalih tunggil krama desa ngembasang rare, tur rarene padem kuluarga cuntaka abulan pitung dina ( 42 dina ).

2. Soma Umanis Watugunung sowang –sowang Krama nanceb penjor kadi penjor galungan,      turmaning kepisaratang pisan tan kalugra nganggen piranti imitasi, platik utawi kertas.

3.Upacra Melasti :

   Anggara Paing  Watugunung 30 September 2014 dauh 07.00 Wita.

- Semeng rikala Ida Bhatara melasti penjor duwene munggah upakare kadi galungan. Tur         

   ring kanjekang puncak karya taler ngunggahang upakara pateh kadi ring ajeng.

4.Upakara Puncak Karya

   Soma Pon Sinta 6 Oktober 2014, dauh 14.00 Wita.

- Ring puncaking karya , sowang – sowang Krama Desa ngaturang upakara daksina  pejati , 

  ajuman putih kuning, canang yasa ring kemulan, sareng – sareng ngeyasa kertiang karya 

  duwene saha mapinunas mangda Ida Bhatara 

–Bhatari asung kerta wara nugraha mapaice kerahajengan sekala lan niskala manut kadi  

  ajaran Tri Hita Karana

  ( Sukertha Tata Parhyangan, Sukerta Tata Pewongan, Sukerta Tata Pelemahan

- Daksina Pejati duwene ring kemulan nyejer ngantos penyineban

5. Upacara Penyineban

Wrespati Pon Landep 

16 Oktiber 2014 dauh 09.00 Wita

- Ring upacara penyineban , krama desa sane kantun  maduwe sawa durung keaben /   

   kepelebon , nunas tirta penglebar pengenduh kasiratang ring gegumuke madulurang   

   ngaturang ajuman putih kuning maka yasa karya duwene sampun puput .

-Daksina Pejati sane kejejerang duk puncak karya ring sowang – sowang  kemulan kalebar  

  sane keriinin antuk ngaturang ajuman putih kuning lan canag sari atanding’

-Penjor duwene kangkat ampun kecabut sane keriinin antuk ngaturang ajuman putih kuning 

  lan canag sari atanding.

-Sapunika Yasa Kerti sane patut kemargiang dumogi karya duwene memagi antar labda   

  karya sidaning don manut pengerencana

 Om, Santih, Santih, Santih, Om.

DUDONAN KARYA

NO	HARI/TANGGAL	JAM	TEMPAT	KEGIATAN
		WITA
1	Soma ,	15.00	Sekayangan	Matur Piuning
	Kliwon Uye
	4 Agustus 2014
2	Anggara ,	9.00	Pura Desa	Nyukat, genah
	Umanis Uye
	5 Agustus 2014
3	Sukra , Wage Uye	8.00	Pura Desa	Nanceb, caru bumbun
	8 Agustus 2014
4	Redite, Umanis	9.00	Sebelas Pura	Nunas Tirta
	Menail
	10 Agutus 2014
5	Buda, Wage	9.00	Pura Desa	Penginih - inih, Laban Wong Samar,
	Menail			Semut, Asu, Caru Pengalang sasih
	13 Agustus 2014			Merebu Panitia, Panca Rsi
				Guru Dadi, Tepini Pengraksa Karya
				Pengemit Karya, Nyuci,Ngentegang
				Nyangling, Dewa Celi, Sunari
6	saniscara Paing	9.00	Sebelas Pura	Nunas Tirta
	Menail
	16  Agutus 2014
7	Anggara- Wrespati	9.00	Pura Desa	Nanding Pedagingan
	Kelawu, 16-18
	Sep-14
8	Sukra , Umanis	9.00	Pura Desa	Rsi Gana, Panca Kelud, Mendem
	Kelawu			Pedagingan, Mlaspas
	19 September 2014
9	Buda Umanis Dukut	8.00	Dugul	Mendak Nini
	24 September 2014
10	Werespati Paing Dukut	13.00	Pura Sami	Nuur Betara Sami
	25 September 2014
11	Redite Kliwon	8.00	Segara	Nanceb
	Watugunung
	28 September 2014
12	Soma Umanis	9.00
	Watugunung		Di rumah	Nanceb penjor
	29 September 2014
13	Anggara , Paing	8.00	Purnama	Melasti
	Watugunung
	30 September 2014	17.00	Wali	Rauh Melasti
14	Buda , Pon Watugunung	8.00	Bangli	Mendak bagia
	1 Oktober 2014	15.00	Pura Desa	Mlaspas Bagia
15	Wrespati, Wage	9.00	Pura Desa	Mepada Alit
	Watugunung
	2 Oktober 2014
16	Sukra , Kliwon	9.00	Jaba Pura	Tawur dan Pedanan
	Watugunung		Desa
	3 Oktober 2014
17	Saniscara, Umanis	9.00	SMP N 3	Rsi Gana ,
	Watugunung		Tegallalang	Pedudusab Alit
	4 Oktober 2014
18	Redite, Paing Sinta	9.00	Pura Desa	Mepada Agung,
	5 okober 2014
19	Soma, Pon Sinta	14.00	Pura Desa	Ngeteg Linggih Puncak Karya
	6 oktober 2014			Saba Desa, Saba Nini
20	Anggara ,Wage Sinta	19.00	Pura Desa	Penganyaran
	7 oktober 2014
21	Buda Kliwon Sinta	19.00	Pura Desa	Penganyaran
	8 Oktober 2014
22	Wrespati Umanis Sinta	13.00	Puseh Tangkup	Nyenuk,
	9 Oktober 2014	18.00	Pura Desa	Ngelemek
23	Sukra Paing Sinta	19.00	Pura Desa	Penganyaran
	10 Oktober 2014
24	Saniscara Pon Sinta	19.00	Pura Desa	Penganyaran
	11 Oktober 2014
25	Redite Wage Landep	19.00	Pura Desa	Penganyaran
	13 Oktober 2014
26	Soma, Landep	13.00	Pura Desa	Bangun Ayu, Ngebat Daun,
	13 Oktober 2014			Rsi Bujana
27	Anggara Umanis Landep	19.00	Pura Desa	Penganyaran
	14 Oktober 2014
28	Buda Paing Landep	19.00	Pura Desa	Penganyaran
	15 Oktober 2014
29	Wrespati, Landep	8.00	Pura Desa	Nuwek Bagia Nyineb betara sami,
	16 Oktober 2014
30	Soma Kulantir	7.00	Goa Lawah	Meajar - ajar
	27 Oktober 2014